پاکستان ٹی ٹوئنٹی اسکواڈ کو بنگلادیش روانگی کے موقع پر ائیرپورٹ اور جہاز میں زبردست پذیرائی ملی۔

ذرائع کا کہنا ہے کہ کرکٹ کے متوالے کرکٹرز کے ساتھ خوب تصاویر بھی بناتے رہے۔

آج صبح قومی ٹی ٹوئنٹی اسکواڈ دبئی سے بنگلا دیش پہنچا ہے جہاں ایک روزہ آئیسولیشن کے بعد ٹریننگ کا آغاز کرے گا۔

ٹیم کے کپتان بابراعظم اور آل راؤنڈر شعیب ملک 16 نومبر کو ڈھاکا میں اسکواڈ کو جوائن کریں گے جب کہ ٹیم میں محمد حفیظ کی جگہ شامل کیے گئے افتخار احمد بھی اسکواڈ کے ہمراہ دبئی سے ڈھاکا پہنچے ہیں۔

بنگلادیش اور پاکستان کے مابین سیریز کا آغاز 19 نومبر سے ہوگا۔