برازیلین حکام نے 26 سالہ برازیل کی معروف گلوکارہ ماریلیا مینڈونسا کی طیارے حادثے میں موت کی تصدیق کردی ہے تاہم گلوکارہ کی آخری ویڈیو سوشل میڈیا پر وائرل ہوگئی ۔

رپورٹ کے مطابق گلوکارہ کے طیارے کو حادثہ برازیل کی جنوب مشرقی ریاست میں پیش آیا جس میں دیگر چار افراد بھی ہلاک ہوئے جس میں ماریلیا کے پروڈیوسر، قریبی عزیز اور دو کریو ممبرز شامل ہیں۔

حکام نے طیارے کو پیش آنے والے حادثے کی تحقیقات شروع کردی ہیں جس میں حادثے کی وجوہات کا پتا لگایا جائے گا۔

گلوکارہ نے اپنے طیارے کے اڑان بھرنے سے قبل ٹوئٹر پر ایک ویڈیو بھی شیئر کی تھی جس کے بعد ان کے طیارے نے اڑان بھری اور وہ حادثے کا شکار ہوا۔