نئی دہلی(این پی جی میڈیا)  بھارتی وزیراعظم نریندر مودی کی شدت پسندانہ پالیسیوں پر سابق بھارتی نائب صدر حامد انصاری بھی برس پڑے۔

بھارتی ٹی وی کو دئیے گئے ایک انٹرویو کے دوران حامد انصاری کا کہنا تھا مسلمانوں پر بلاوجہ مظالم  کیے جارہے ہیں، انھیں گرفتار کیا جارہا ہے۔ بھارت میں اب مسلمان محفوظ نہیں ہیں۔

انھوں نے مودی کو کڑی تنقید کا نشانہ بناتے ہوئے کہا کہ مودی انتظامیہ میں سیکولرازم نام کی کوئی چیز نہیں، مودی نے الیکشن جیتنے کے لیے مذہب کا استعمال کیا۔

خیال رہے کہ حامد انصاری 2007 سے 2017 تک بھارت میں نائب صدر کے عہدے پر فائز رہ چکے ہیں۔