تہران(این پی جی میڈیا) افغان طالبان کے نائب امیر سربراہ ملا عبدالغنی برادر  نے تہران میں  ایرانی وزیر خارجہ جواد ظریف سے ملاقات کرتے ہوئے دونوں ممالک اور خطے کی صورت حال پر تبادلہ خیال کیا۔

تفصیلات کے مطابق قطر میں طالبان کے سیاسی دفتر کے ترجمان محمد نعیم نے اپنی ایک ٹویٹ میں کہا کہ وفود کی سطح پر ہونی والی اس ملاقات میں فریقین نے دونوں ممالک سے متعلق امور پر تبادلہ خیال کیا۔

انکا کہنا تھا کہ اس ملاقات میں افغانستان کے وجودہ حالات، دوحہ معاہدے پر مکمل عمل درآمد، بین الافغان مذاکرات افغانستان اور خطے کی امن کی ضرورت پر بھی بات کی گئی۔

دوسری جانب جواد ظریف نے امریکا کو تنقید کا نشانہ بناتے ہوئے کہا کہ وہ ایک اچھا ثالث اور حکمران نہیں ہے۔