ملتان: گزشتہ روز سوشل میڈیا کی زینت ایک لینڈ کروزر بنی جسے نہایت کم عمر بچہ مشہور شہر کی مصروف ترین سڑک پر چلا رہا تھا۔ ویڈیو اپ لوڈ ہوتے ہی جنگل کی آگ کی طرح وائرل ہو گئی۔

مختلف میسیجنگ ایپس اور سوشل میڈیا پلیٹ فارمز پر شیئر کی جانے والی مختصر دورانیے کی ویڈیو میں ایک کم عمر بچہ دکھائی دیتا ہے۔ جو بظاہر کسی بڑے کی موجودگی کے بغیر لینڈکروزر ڈرائیو کر رہا ہے۔

تاہم راستے میں متعدد ٹریفک وارڈنز کے ناکوں اور پولیس کی موجودگی کے باوجود بچے کو نہیں روکا گیا۔

View this post on Instagram

A post shared by Pakistan ♥️?? (@carsofpakistan_cop)

ویڈیو وائرل ہونے پر ٹریفک پولیس بھی جاگ گئی۔  جس نے روٹ کے اطراف لگے سی سی ٹی وی کیمروں کی فوٹیج اکٹھا کرنا شروع کر دی ہے۔

ترجمان ٹریفک پولیس کے مطابق سی سی ٹی وی فوٹیج سے گاڑی کا نمبر اور مالک کی شناخت ہو گی۔ جس پر مالک اور کم عمر ڈرائیو کے خلاف کاروائی عمل میں لائی جائے گی۔

ویڈیو وائرل ہونے کے بعد سوشل میڈیا صارفین کا کہنا ہے کہ پولیس صرف غریب لوگوں کے چالان کرتی ہے یا پھر ان کی نظر موٹر سائیکلوں اور رکشے کے علاوہ چھوٹی موٹی گاڑیوں پر ہوتی ہے کہ جن کا چالان بھی کرتے اور ان کے ساتھ بدمعاشی سے پیش بھی آتے ہیں۔

اس کے علاوہ لوگوں کا کہنا تھا کہ اتنی بڑی گاڑیاں دیکھ کر ان کے تو ویسے بھی پر جلنا شروع ہو جاتے ہیں۔

تاہم اب پولیس نے گاڑی کو ٹریس کرنا شروع کیا ہوا ہے دیکھتے ہیں کہ گاڑی اور مالک کی شناخت ہونے کے بعد پولیس کتنا جرمانہ عائد کرتی ہے۔