تائپی: دنیا کے ہر کونے میں الگ الگ طرز کی خاص ڈش تیار کی جاتی ہیں جو کہ اس جگہ کی پہچان بن جاتی ہیں لیکن آج ہم آپ کو ایک ایسی ڈش کے بارے میں بتانے جارہے ہیں جس کو آپ اپنی زندگی میں ایک بار ضرور کھانا چاہیں گے۔

یہ تو ہم سب کھانے کے شوقین افراد یہ جانتے ہیں کہ ڈمپلنگز ہر سائز اور شکل میں بنائے جاتے ہیں لیکن کیا آپ نے کبھی ہو بہو مچھلی کی طرح دکھنے والے ذائقے سے بھرپور ڈمپلنگز کھائے ہیں؟

حال ہی میں تائیوان کے یہ چھوٹی مچھلی کی طرح دکھنے والے ڈمپلنگز سوشل میڈیا پر سب کی توجہ کا مرکز بن گئے ہیں کیونکہ یہ ناصرف دکھنے میں بلکہ ذائقے میں بھی بہترین ہیں۔

مچھلی کی طرح دکھنے والے ان ڈمپلنگز کے اندر قیمہ، جھینگے، لہسن اور دیگر مصالحہ جات کو بھرا جاتا ہے اور اسے اسٹرا، چوپ اسٹک اور قینچی کی مدد سے شکل دے کر ایک مچھلی کی طرح بنایا جاتا ہے۔

واضھ رہے کہ ان ڈمپلنگز کو ہو بہو مچھلی کی شکل دینے کے لیے اس کے آٹے میں نارنجی رنگ بھی ملایا جاتا ہے۔

اس کے علاوہ تائیوان میں انوکھے ڈمپلنگز بنانے والے ‘منمن چینگ’ کے فیس بک پوسٹ پر اب تک 40 ہزار کے قریب لائیکس اور ہزاروں کمنٹس آ چکے ہیں۔