لاہور(این پی جی میڈٰیا) گزشتہ 48 گھنٹوں کے دوران بٹ کوائن کے اثاثے دس فیصد گرنے پر بٹ کوائن کو برا جھٹکا لگا ہے۔

تفصیلات کے مطابق بٹ کوائن کے اثاثے دس فیصد گرنے کے بعد کریپٹو کرنسی کی مارکیٹ ویلیو میں تقریبا 100 بلین ڈالرز کی گراوٹ سامنے آئی ہے۔

رپورٹس کے مطابق پچاس لاکھ سے زائد ٹریڈنگ پر بٹ کوائن کو روزانہ کی بنیاد پر دس فیصد کا نقصان ہورہا ہے۔ گزشتہ چند دنوں کے دوران کریپٹوکرنسی میں تقریبا 18 فیصد کی کمی واقع ہوئی ہے۔

واضح رہے کہ رواں ماہ میں بٹ کوائن کی قیمت تاریخ میں پہلی بار چالیس ہزار ڈالر سے تجاوز کر گئی۔ گزشتہ پانچ دنوں میں بٹ کوائن کی قیمت میں دس ہزار ڈالر کا اضافہ ہوا تھا۔

پاکستانی کرنسی میں ایک بٹ کوائن کی قیمت 65 لاکھ 65 ہزار 832 ہوگئی تھی۔ بٹ کوائن کی قیمت 16 دسمبر کو 20 ہزار ڈالر تھی جو 26 دسمبر کو 25 ہزار ڈالر تک پہنچ گئی۔