اسلام آباد: وزیر داخلہ شیخ رشید نے کہا ہے کہ نادرا روزانہ ایک لاکھ پاسپورٹ بنائے گا اور پہلا مفت ہو گا۔ای پاسپورٹ دو مہینے تک لوگوں کو ملے گا،
وفاقی وزیر داخلہ شیخ رشید نے اسلام آباد ائیرپورٹ کا دورہ کیا، شیخ رشید احمد نے مسافروں کو دی جانے والی سہولیات کا جائزہ لیا۔وزیر داخلہ شیخ رشید نے کہا کہ اورسیز پاکستانی ہمارا اثاثہ ہیں، بیرون ملک سے آنے والوں کو دی جانے والی سہولیات میں کوتاہی برداشت نہیں کروں گا۔شیخ رشید نے کہا کہ نادرا روزانہ ایک لاکھ پاسپورٹ بنائے گا اور پہلا مفت ہو گا،تمام اوور سیز پاکستانیوں کو یقین دلاتا ہوں کہ ائیرپورٹ پر آپ کو بہترین سہولیات ملیں گی۔
وزیر داخلہ نے کہا کہ ایک سو بانوے ملکوں کے لئے آن لائن ویزہ جاری کیا گیا ہے،کوئی آدمی اسٹیکر کا پوچھے تو مجھ سے ڈائیریکٹ رابطہ کرے،وزیر اعظم کا فیصلہ ہے کہ آن لائن ویزہ کے لئے کوئی رکاوٹ نہ ہو، ای پاسپورٹ دو مہینے تک لوگوں کو ملے گا،پاکستان کا امیج بہتر ہوگا،مزدوروں کے لیے پاسپورٹ کی مدت دس سال کر دی گئی ہے۔
شیخ رشید نے مسافروں کا بہترین طریقے سے خیال رکھنے کے لیے ایف آئی اے ایمیگریشن، اے ایس ایف اور محکمہ کسٹمز کو خصوصی ہدایات جاری کیں ، شیخ رشید کے ہمراہ سیکرٹری داخلہ، ڈی جی ایمیگریشن، اور ایف آئی اے بھی موجود تھے۔