حکومت نے ملک میں عالمی وبا کے تدارک کیلئے چینی ویکسین کو ہنگامی طور پر استعمال کرنے کی اجازت دیدی ہے۔

ذرائع کے مطابق پاکستانی مریضوں کیلئے چینی ویکسین کی اجازت اعلیٰ سطح اجلاس میں وبائی مرض کی صورتحال کو دیکھتے ہوئے دی گئی ہے۔ اب چینی کمپنی سائنوفارم کی جانب سے تیار کئے گئے حفاظتی ٹیکے پاکستانی عوام کیلئے دستیاب ہونگے۔
دوسری جانب بھارت میں عالمی وبا کی ویکسین لگوانے والوں میں طبی پیچیدگیاں سامنے آنے لگی ہیں۔

بھارتی میڈیا کے مطابق 52 افراد میں ویکسین لگوانے کے بعد طبی پیچیدگیوں کا انکشاف ہوا ہے۔ ویکسینیشن کے بعد ان افراد میں سر میں درد، الرجی، سانس کی تکلیف شروع ہوگئی ۔

بھارت میں برطانوی اور مقامی طور پر تیار کردہ ، دو ویکسینز لگائی جا رہی ہیں۔ 30 کروڑ افراد کو جولائی کے وسط تک یہ ویکیسن لگائی جائے گی ۔ چند روز قبل ، بھوپال شہر میں بھارتی ویکسین لگوانے والا ایک شخص ہلاک ہوگیا ۔ گزشتہ ماہ ، ویکسین کی خوراک لینے والے ہریانہ کے وزیر داخلہ ‘انیل وِج’ کا وبائی ٹیسٹ بھی مثبت آیا تھا۔