راولپنڈی(این پی جی میڈیا) شمالی وزیرستان میں آپریشن کے دوران 2 دہشت گرد ہلاک اور 3 سکیورٹی  فورسز کے جوان شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں دہشت گردوں کے خلاف آپریشن کے دوران 2 دہشت گرد مارے گئے جب کہ دہشت گردوں سے فائرنگ کے تبادلے میں 3 سکیورٹی  فورسز کے جوان بھی شہید ہوگئے۔

دوسری جانب بھارتی فوج کی ایل اوسی پرفائرنگ سے سپاہی شہید ہوگیا جب کہ پاک فوج کی جانب سے بھی بھرپورجواب دیا گیا۔

آئی ایس پی آرکی جانب سے جاری بیان کے مطابق بھارتی فوج نے ایک بارپھرسیزفائرمعائدے کی خلاف ورزی کرتے ہوئے ایل اوسی پرشدید فائرنگ کی جس کے نتیجے میں پاک فوج کا 28 سالہ سپاہی نبیل لیاقت شہید ہوگیا۔

پاک فوج نے بھی اشتعال انگیزی کا بھرپورجواب دیتے ہوئے بھارتی فوج کوبھاری جانی ومالی نقصان پہنچایا۔