لاہور:پاکستان کرکٹ ٹیم کے کپتان بابر اعظم کے لئے بری خبر،سیشن عدالت نے مقدمہ درج کرنے کا حکم دے دیدیا۔تفصیلات کے مطابق خاتون کی جانب سے مقدمے کی درخواست کی گئی  تھی کہ بابر اعظم شادی کی جھانسہ دیکر زیادتی کرتا رہا۔خاتون کی درخواست پر لاہور کی سیشن کورٹ  کے ایڈیشنل جج محمد نعیم نے نے قومی کرکٹر کیخلاف مقدمہ درج کرنے کا حکم دیا۔

یاد رہے کہ حامیزہ  مختیار نے سیشن کورٹ میں اندراج مقدمہ، ہراساں کرنے سے روکنے اور ہرجانے کی درخواست دائر کی ، دائر درخواستوں میں بابر اعظم،محمد اعظم، فیصل اعظم کامل اعظم اور محمد نوید کو فریق بنایا گیا تھا ،درخواست میں‌موقف اپنایا گیا کہ سی سی پی او لاہور کو اندارج مقدمہ کی درخواست دی لیکن عملدرآمد نہیں ہوا، بابر اعظم کیخلاف جنسی ہراساں، فراڈ اور ہرجانے کے دعویٰ کی درخواست کی گئی ،درخواست میں تھانہ نصیر آباد پولیس کوبابر اعظم کیخلاف مقدمہ درج کرنے کی استدعا کی گئی ہے ،درخواست میں کہا گیا کہ بابر اعظم کے فیملی اراکین ہراساں کر رہے ہیں، عدالت ہراساں کرنے سے روکنے کا حکم دے،.

واضح رہے کہ لاہور پریس کلب میں پریس کانفرنس کرتے ہوئے حامیزہ نے بابر اعظم پر الزامات عائد کرتے ہوئے کہا کہ بابر مجھے کورٹ میرج کے بہانے گھر سے بھگاکر لے گیا اور مختلف جگہوں پر کرائے کے مکانوں پر رکھتا رہا۔

حامیزہ نامی لڑکی نے دعویٰ کیا کہ میرے ساتھ زیادتی کرنے والا کوئی عام شخص نہیں بلکہ بابر اعظم ہے جو اس وقت پاکستانی ٹیم کا کپتان ہے۔لڑکی کا کہنا تھا کہ بابر اعظم سے میرا تعلق اس وقت کا ہے جب بابر کرکٹ نے کرکٹ کی دنیا میں قدم نہیں رکھا تھا اور بابر ایک غریب گھرانے سے تعلق رکھتا تھا۔