اسلام آباد: دشمن کے لئے لرزہ خیز خبر آگئی، پاک بحریہ نے بحیرہ عرب میں آبدوزوں سے اینٹی شپ میزائلز اور تارپیڈوز فائرنگ کا کامیاب مظاہرہ کیا ہے۔ پاک بحریہ کی آبدوزوں نے کامیابی سے اپنے اہداف کو نشانہ بنایا۔

امیرالبحر ایڈمرل محمد امجد خان نیازی نے پاک بحریہ کی آپریشنل تیاریوں پرمکمل اطمینان کا اظہارکرتے ہوئے کہا کہ پاک بحریہ ملکی سمندری سرحدوں کے خلاف کسی بھی قسم کی جارحیت کا دندان شکن جواب دینے کی مکمل صلاحیت رکھتی ہے۔

Chief Guest CNS Adm Muhammad Amjad Khan Niazi expressed satisfaction over Ops readiness of PN Fleet. CNS also commended officers & men for their commitment & professionalism. The Admiral reassured PN preparedness to thwart any aggression against Pakistan Maritime frontiers (2/2)

— DGPR (Navy) (@dgprPaknavy) January 12, 2021

ترجمان پاک بحریہ کے مطابق چیف آف دی نیول اسٹاف ایڈمرل محمد امجد خان نیازی نے میزائلز اور تارپیڈوز فائرنگ کا مشاہدہ کیا۔ پاک بحریہ کی آبدوزوں نے کامیابی سے اپنے اہداف کو نشانہ بنایا۔ میزائلز اور تارپیڈوز فائرنگ کا شاندار مظاہرہ پاک بحریہ کی آپریشنل صلاحیتوں اور حربی تیاریوں کا منہ بولتا ثبوت ہے۔

ایڈمرل محمد امجد خان نیازی نے پاک بحریہ کی آپریشنل تیاریوں پرمکمل اطمینان کا اظہار کیااور کہا کہ پاک بحریہ کے جوان اور آفیسرز ملکی سمندری سرحدوں اور بحری اثاثوں کے تحفظ کیلئے ہمہ وقت تیار ہیں ۔

یاد رہے کہ گذشتہ ہفتے پاکستان نے فتح میزائل کا کامیاب تجربہ کیا تھا۔پاک فوج کے شعبہ تعلقات عامہ کے مطابق پاکستان کی طرف سے پاکستان کی طرف سے فتح ون راکٹ کا کامیاب تجربہ کیا گیا۔ گائیڈڈ ملٹی لانچ راکٹ میزائل فتح ون نے کامیابی سے اپنے ہدف کو نشانہ بنایا۔

ڈی جی آئی ایس پی آر نے بتایا ہے کہ میزائل 140 کلومیٹر تک وار ہیڈ لے جانے کی صلاحیت رکھتا ہے، نئے راکٹ سسٹم سے پاک فوج کی دفاعی صلاحیت میں اضافہ ہوگا ، میزائل 140 کلومیٹر تک وار ہیڈ لے جانے کی صلاحیت رکھتا ہے۔