لاہور:سمارٹ فونز کے حوالے سے عالمی شہرت رکھنے والی صف اوَل کی کمپنی ویوو کی جانب سے پاکستان میں وائے سیریز کے نئے سمارٹ فون ویوو وائے 20ایس کی دستیابی کا اعلان کر دیا گیا ہے۔ ویوو کا یہ نیا فون ایک بڑی 5ہزار ملی ایمپیئر آور کی بیٹری اور18واٹ کی تیز ترین فلیش چارج ٹیکنالوجی سے مزین ہے۔ ساتھ ہی ساتھ اس فون میں ایک جدید سائیڈ مائونٹڈ فنگر پرنٹ سکینر بھی لگایا گیا ہے۔

نئے وائے 20ایس میں کوالکام سنیپ ڈریگن پراسیسر کے ساتھ ساتھ 4جی بی ریم اور 128جی بی سٹوریج کی سہولت فراہم کی گئی ہے، ساتھ ہی ساتھ فوٹوگرافی کے شوقین افراد کے لیے اس میں ایک اے آئی ٹرپل میکرو کیمرہ نصب ہے جس میں بہت سے بہترین فیچرز جیسے فیس بیوٹی،پورٹریٹ لائٹ ایفیکٹس اور کئی فلٹرز کو شامل کیا گیا ہے تاکہ ہر تصویر میں رنگوں کا امتزاج اور نکھار نظر آئے۔

ویوو کا یہ نیا فون دو رنگوںاوبسیڈین بلیک اور پیورسٹ بلیومیں پیش کیا جارہا ہے، جو دلکشی میں اپنی مثال آپ ہیں۔ کالے رنگ میں آتشی شیشے جیسی چمک کو شامل کیا گیا ہے جبکہ نیلا رنگ سمندر کی گہرائی جیسا صاف اور خوبصورت ہے۔

ویوو کا نیا سمارٹ فون وائے 20ایس پاکستان میں 29ہزار 999روپے کی قیمت پر پیش کیا گیا ہے، صارفین یہ فون پاکستان بھر میں ویوو کے مجاز ڈسٹربیوشن نیٹورک اور مختلف آن لائن سٹورز سے خرید سکتے ہیں۔

ویوو کی جانب سے وائے 20ایس کے ساتھ 1 سال کی وارنٹی فراہم کی جارہی ہے۔ کسی خرابی کی صورت میں 15 دن تک مفت تبدیلی اور ایسسریز کے لیے بھی 6 ماہ کی وارنٹی دی جاتی ہے۔ ویوو کا یہ نیا فون پاکستان ٹیلی کمیونیکیشن اتھارٹی سے منظور شدہ ہے اور پاکستان کے تمام نیٹورکس پر ڈول سم، فور جی، ایل ٹی ای، تھری جی اور ٹو جی سروسز فراہم کرنے کی صلاحیت رکھتا ہے۔ زونگ صارفین سم کارڈ سلاٹ نمبر 1 میں اپنا کارڈ استعمال کرتے ہوئے 12 گیگا بائیٹ مفت ڈیٹا بھی حاصل کرسکتے ہیں۔